Rúm við hvítar gardínur, rautt blóm í vasa

Okkur systrunum hefur alltaf þótt gaman að fallegum hlutum og höfum notið þess að vera umkringdar fagurkerum sem hafa skapað notaleg, falleg og afslöppuð heimili. Á sama tíma finnum við fyrir hraðanum sem stöðugt bankar upp á og þörfin fyrir að hafa notalegt í kringum sig án mikillar fyrirhafnar verður ríkari.

Gömul útsaumuð koddaver og lök með blúndum og fangamörkum

Við þessar vangaveltur spratt upp sú hugmynd að hanna rúmföt sem væru falleg og notaleg – án mikillar fyrirhafnar. Partur af sjarmanum er í raun ófullkomleikinn – óumbúið rúm, opin bók og tebolli á náttborðinu. Ef maður vildi „búa um“ þyrfti í raun ekki að gera meira en að slétta úr sænginni. Engin þörf á skrautpúðum, rúmteppi eða öðru heldur einfaldleikinn í fyrirrúmi þar sem krumpur eru fallegar og andrúmsloftið afslappað.

Polaroid-mynd af óumbúnu rúmi og kaffibakka á gólfinuKoddar á óumbúnu rúmi og bolli á gólfinu
Þurrkuð blóm og polaroid-myndir á borði
Liljur, blóm og polaroid-myndir á hvítu borðiMerki Blæs teiknað í tölvunni

Þegar við systur urðum svo óléttar um svipað leyti fannst okkur liggja beint við að hanna rúmföt fyrir litlu krílin í sama stíl. Barnarúmin eru inni í svefnherbergi foreldra fyrst um sinn og því þótti okkur þetta mynda fallega heildarmynd.

Sóllilja með óléttubumbu tekur mynd í speglinumSvefnherbergi með vöggu við rúmið
Sæng lögð yfir stól í garðskálaMóðir með barn á brjósti í rúminu
Rauðar pelargóníur í nærmyndBarn í tágakörfu vafið í hvíta sængPífa sængurinnar við hellurnar

Þegar hugmyndin kom upp datt okkur strax í hug að heyra í vinahjónum okkar í Kaupmannahöfn. Við sendum þeim skilaboð snemma á laugardagsmorgni til að spyrjast fyrir um framleiðsluaðila, enda hafa þau áralanga reynslu af framleiðslu í Portúgal og góðar tengingar innan Evrópu. Við fengum strax símtal til baka: „Eruð þið skyggnar? Við erum akkúrat í Portúgal á leiðinni að hitta rúmfataframleiðanda!“. Við ákváðum að slá höndum saman og láta verða af því að framleiða þessi rúmföt sem við sáum svo skýrt fyrir okkur.

Stofa í síðdegissól séð úr dyragætt
Rimlavagga með tjaldi við rúmiðKaffibolli og sæng í sólargeisla í sófanum
Polaroid-mynd af hundi í rúminuPolaroid-mynd af krumpaðri sæng
Litlar hendur halda í sænginaKona vafin í sængina í garðskála
Sæng breidd yfir stól í garðskála innan um blóm

Við erum virkilega ánægð með útkomuna og höfum notað rúmfötin fyrir okkur og krílin frá fyrsta degi. Suma daga er búið um en flesta daga er sængin krumpuð, dregin fram í sófa eða vafin utan um þá sem okkur þykir vænst um. Við vonum að rúmfötin reynist þér jafn vel og okkur.